အရှုံးတွေကိုမိတ်ဖွဲ့တဲ့အလွမ်း

ရာသီနဲ့ ကိုက်ညီအောင်လွမ်းတတ်တဲ့
ဥသြတောင် ငါ့ကိုမမှီဘူးဆို
ငါကတရားဝင်လွမ်းခွင့်မရှိဘူး
နွေဥသြရယ်

အာခေါင်တွေခြောက်လို့
ငါ့အတ္တကို အကြိမ်ကြိမ်
မျိုချလည်း
နှလုံးသားက အလွမ်းတွေနဲ့တွေ့ရင်
ရှဲ.....ကနဲမြည်အောင်
အငွေ့ပျံလွင့်ပျယ်သွားတယ်ကွာ

အားနာပါတယ်....
ကောင်မလေး
ငါခဏတော့
အနီရောင်တီရှပ်လေးကို
လွမ်းမယ်

တိုက်ဆိုင်စွာများ
ဥသြဆိုတဲ့အသံကြားရင်
ကောင်းကင်ကို
မျက်နှာအပ်ပြီး ငိုလိုက်မယ်

အရှုံးတွေကို မိတ်ဖွဲ့မိတဲ့ အလွမ်း
အတွက် ငါရင်မောလို့
အသက်ရှုတောင်မ၀တော့ဘူး

အတ္တကို လူမမြင်အောင်
လှလှလေးထုတ်ပိုးပြီး
သိမ်းထားလိုက်တော့မယ်

လွင်ပြင်