ဘန်ကောက်မြို့ နှင့် ဆေးလိပ်တစ်ဖွာ

ဘန်ကောက်ကိုမလာခင် သူငယ်ချင်းတစ်ယောက်က ပြောဖူးတယ်။ "မင်းဟိုရောက်ရင် ဆေးလိပ်ပြတ်သွားမယ်"တဲ့။ ဘာကြောင့်လဲလို့ မေးတော့ သူကမပြောဘူး။ "မင်းဟိုရောက်ရင် သိလိမ့်မယ်ကွာ" တဲ့။

သူပြောတဲ့အတိုင်းပဲ ဒီလည်းရောက်ရော ကျွန်တော် စပြီး ဒုက္ခတွေ့တော့တာပဲ။ သုဝဏ္ဏဘူမိ လေဆိပ်ရောက် ရောက်ခြင်းပဲ ဆေးလိပ်ကသောက်ချင်ပြီ။ ဟိုကြည့်၊ ဒီကြည့် နဲ့ ပတ်ဝန်းကျင်ကို စပ်စုလိုက်တော့ ဘယ်သူမှ သောက်နေတာမတွေ့ရဘူး။ ထားလိုက်ပါတော့ ....ကိုနေရမယ့် apartment ရောက်မှ သောက်တော့မယ်လို့ စိတ်ထဲက တေးထားလိုက်တယ်။


apartment ရောက်တော့ တာဝန်ခံက စည်းကမ်းချက်တွေသတိပေးတယ်။ အဲဒီထဲမှာ apartment ထဲ ဆေးလိပ်သောက်ရင် ဘတ် ၂၀၀၀ ဒါဏ်ငွေ ဆောင်ရမယ်လို့ပါလာတယ်။ သေပြီပေါ့။ ဆေးလိပ်ကတော်တော် သောက်ချင်နေပြီ။ဒါနဲ့ပဲ အထုတ်တွေအပိုးတွေကို ကိုနေမဲ့အခန်းထဲမှာထား၊ ပြီးတော့ သူငယ်ချင်းနှစ်ယောက် နဲ့ ဟိုလျှောက်ဒီလျှောက် လျှောက်ကြမယ်ဆိုပြီး အပြင်ထွက်တယ်။

စိတ်ထဲမှာတော့ အပြင်ရောက်ရင် ဆေးလိပ်သောက်မယ်လို့ တွေးထားတယ်လေ။ ပလတ်ဖောင်းပေါ် လမ်းလျှောက်တော့ ကျွန်တော်တို့ ရှေ့ကလူတစ်အုပ်ကိုတွေ့တယ်။ အဲဒီထဲက ရှေ့ဆုံးတစ်ယောက်က ဆေးလိပ်သောက်ပြီးလမ်းလျှောက်နေတယ်။ နောက်ကမိန်းကလေးသုံးယောက်က နှာခေါင်းတွေပိတ်၊ မျက်နှာတွေရှုံမဲ့ပြီး ရှေ့ကလူကို မြန်မြန်ကျော်တတ်သွားတယ်။ ကျွန်တော်လည်း တော်တော်အံသြသွားတယ် ဗျာ။ အဲလောက် ဆေးလိပ်သောက်တာကို တင်းကျပ်ထားမယ်လို့ မထင်မိဘူး။ နောက်မှသိလိုက်ရတာ Public Area တွေမှာ ဆေးလိပ်လုံးဝသောက်ခွင့်ပေးမထားဘူး။

အဲဒီနေ့က ကျွန်တော်ဆေးလိပ်မသောက်ဖြစ်ခဲ့ပါဘူး။ ဘာပဲဖြစ်ဖြစ် ဘန်ကောက်လာရတာ အဲဒါတစ်ခုတော့ ကျိန်းသေ အကျိုးရှိတယ်လို့ပြောလို့ရတယ်။ ဆေးလိပ်သောက်ဖို့ အခြေအနေက တော်တော်နည်းတော့ သိပ်အပင်ပန်းခံပြီး သောက်မနေတော့ဘူး။

နောက်တစ်ချက်က သူတို့ဆီမှာ ဆေးလိပ်၊ အရက်၊ ဘီယာ၊ စတဲ့ မူးယစ်စေတဲ့ အရာတွေကို အခွန်ပိုကောက် ကြတယ်။ မြန်မာပြည်မှာ Singa ဘီယာတစ်ဘူးကို ၅၉၀ ထားပါတော့ ၆၀၀ ပဲ ဒီမှာ ၃၅ ဘတ် မြန်မာငွေ ၁၀၀၀ ရှိတယ်။ ဒီကထုတ်တဲ့ ဘီယာက မြန်မာပြည်မှာထက် ဈေးအများကြီးကွာနေတာတွေ့ရတယ်။ ဈေးကွာလည်းဘာဖြစ်လဲ၊ ပိုက်ဆံရှိဝယ်ချင်တိုင်းဝယ်လို့ရတယ်လို့ မထင်လိုက်လေနဲ့ အရက်၊ ဘီယာကို ညနေ ၅ နာရီကျော်မှ ရောင်းတယ်ဗျာ။ အဲဒီအချိန်ထက်စောပြီးလာဝယ်ရင် လုံးဝကိုမရောင်းတာ။

ဆေးလိပ်လည်းဒီတိုင်းပဲ အနည်းဆုံးက ၅၉ ဘတ် မြန်မာငွေ ၁၈၀၀ ရှိတယ်။ Red Ruby သုံးဘူးစာ အနည်းလေးရတယ်။ ဒီထက်ပိုဆိုးတာက ဆေးလိပ်ဘူးတိုင်းမှာ ဆေးလိပ်သောက်လို့ ရောဂါဖြစ်တဲ့ ကင်ဆာ ရောဂါသည်တွေရဲ့ဓါတ်ပုံ၊ သွားတွေပျက်စီးတဲ့ ဓါတ်ပုံတွေကို တစ်ခါတည်းထည့်ထားတယ်။ ဆိုးလိုက်တာဗျာ ကျွန်တော်ဝယ်မလို့ လုပ်ပြီးမှ လက်ထွန့်သွားတယ်။ စဉ်းစားကြည့်လေဗျာ ပုံတွေက လန့်စရာကြီးတွေ။ ဒါပေမဲ့ ကျွန်တော် တစ်ဗူးတော့ ၀ယ်လာခဲ့တယ်။ ဓါတ်ပုံရိုက်ပြီး Post တင်ရအောင်လို့။

ဘာပဲပြောပြောဒါတွေက အတုယူသင့်တဲ့ အရာတွေလို့ထင်မိတယ်။ လူတွေရဲ့ ကျင့်ဝတ်နဲ့လည်းသက်ဆိုင် တယ်။ သူငယ်ချင်းတစ်ယောက်ပြောတယ်။ အရက်သောက်တာကိုခွင့်လွတ်နိုင်သေးတယ်၊ ဆေးလိပ်သောက် ရင် သူ့ဆီကထွက်တဲ့ အငွေ့ကို ဘယ်လိုသွားပိတ်မလဲတဲ့။ အသက်မရှုပဲလည်းနေလို့မရတော့ မဖြစ်မနေရှုနေရ တာတဲ့။ သူပြောတာလည်းမှန်တာပဲ။ အမှန်ဆို စည်းမျဉ်း၊ စည်းကမ်း၊ ဥပဒေတွေလိုအပ်သလို လူတွေ့ရဲ့ကျင့်ဝတ်နဲ့လည်းအများကြီးအရေးကြီးတယ်လေ။ ဘန်ကောက်မှာဆေးလိပ်တစ်ဖွာ သောက်ပြီးရင် ကိုယ့်ကိုယ်ကိုယ် ရာဇ၀တ်ကောင်တစ်ယောက်လို့ ထင်လာမိတယ်။ အဲဒီလိုမျိုးထင်လာအောင်လည်း တမင်ကို လုပ်ထားတာ။သဘာဝ ပတ်ဝန်းကျင်ရှု့ထောင့်ကနေ ကြည့်ရင်လည်း Carbon Footprint လျှော့ချရာ ရောက်သလို၊ လေထုညစ်ညမ်းတာကိုလည်း လျှော့စေတာပေါ့။ ဒီ post လေးဖတ်ပြီးရင် ဝေမျှပေးပါ။ သူငယ်ချင်း အချင်းချင်းပြောပြတာဖြစ်ဖြစ်။ copy, paste လုပ်ပြီး မေးကပို့တာဖြစ်ဖြစ်ပေါ့။ စီးပွားဖြစ်မဟုတ်ရင် ကြည့်ဖြူစွာ ခွင့်ပေးပါတယ်။

လွင်ပြင်